ოფიციალურად ბუნდესლიგის განახლების თარიღი ცნობილია

დღეს გერმანიის მთავრობამ ფეხბურთის ფედერაციას ბუნდესლიგის მატჩების ჩატარების ნებართვა ოფიციალურად მისცა. თანხმობის მიღების შემდგომ კი უკვე ცნობილია, თუ რა რიცხვში განახლდება ტურნირი.

ფეხბურთის ფედერაციამ ბუნდესლიგისა და ბუნდესლიგა 2-ის კლუბებს სპეციალურ კონფერენციაზე აცნობა, რომ ჩემპიონატები 15 მაისს დაიწყება. აღნიშნული გადაწყვეტილება ოფიციალური და საბოლოოა.

მაშასადამე, ბუნდესლიგა 15 მაისს, 26-ე ტურის შეხვედრით განახლდება, რომელშიც ერთმანეთს "დიუსელდორფი" და "პადერბორნი" დაუპირისპირდებიან.