ბაიერნი რეალი და ინტერი ახალ ტურნირს ჩაატარებენ

მადრიდის "რეალი", მილანის "ინტერი" და მიუნხენის "ბაიერნი" 2021 წელს "ევროპული სოლიდარობის თასზე" (European Solidarity Cup) მიიღებენ მონაწილეობას. ინფორმაციას კლუბების ოფიციალური ვებ-გვერდები ავრცელებენ. მათი მიზანია გაგზავნოს სოლიდარობის მესიჯი და შეგროვილი თანხით სამედიცინო ინფრასტრუქტურებს დაეხმარნონ.

მატჩების ჩატარების ზუსტი თარიღი მას შემდეგ გახდება ცნობილი, როდესაც გაირკვევა თუ როდის იქნება შესაძლებელი გულშემატკივრების მატჩზე დასწრება. მატჩები 2021 წელს გაიმართება, თითო ქალაქში თითო შეხვედრა. "ბაიერნი" მიუნხენში"რეალს" მიიღებს, ასევე მილანში "ინტერს" ესტუმრება.

"პანდემიამ მსოფლიოს გარშემო ყველა ადამიანს დიდი ზიანი მიაყენა. ჯანდაცვის ყველა მუშაკმა შესანიშნავად იმუშავა და ახლა საშუალება გვაქვს, რომ მომავალს ვუყუროთ. ამ ინიციატივით გვინდა მადლობა ვუთხრათ მათ და აღვნიშნოთ მათი მუშაობა, ამავდროულად კი გავგზავნოთ ქვეყნებს შორის ერთიანობის და სოლიდარობის მესიჯი." - განაცხადა ინტერის პრეზიდენტმა.