კანის და სალიჰამიჯიჩის პირველი კომენტარები ნოიერის ახალი კონტრაქტის შემდეგ

მოგეხსენებათ, რამდენიმე წუთის წინ მანუელ ნოიერმა კლუბთან ახალ კონტრაქტს ოფიციალურად მოაწერა ხელი.

აღნიშნულ თემაზე კომენტარები "ბაიერნის" მხრიდან ოლივერ კანმა და ჰასან სალიჰამიჯიჩმა გააკეთეს.

"მანუელის ადგილას ჩემს თავს წარმოვიდგენ და ვხვდები მის სურვილებს. კლუბი აცნობიერებს რა მიზნები აქვს მანუს და როგორი მნიშვნელოვანია ის "ბაიერნისთვის". ახალი კონტრაქტის გაფორმებით მან ყველას ძლიერი სიგნალი გაუგზავნა." - განაცხადა ოლივერ კანმა.

"კონტრაქტის გახანგრძლივება უმნიშვნელოვანესია როგორც ნოიერისთვის, ასევე კლუბისთვისაც. ჩვენ ერთად გავაანალიზეთ თუ რა იქნებოდა ორივე მხარისთვის ყველაზე იდეალური. მოხარული ვარ, რომ ნოიერი კლუბში რჩება." - აცხადებს სალიჰამიჯიჩი.