ნოიერის კონტრაქტის სრული დეტალები ცნობილია

სულ ცოტა ხნის წინ ოფიციალურად დადასტურდა, რომ მანუელ ნოიერმა მიუნხენის "ბაიერნთან" ახალ კონტრაქტს მოაწერა ხელი.

ავტორიტეტულმა გერმანულმა გამოცემა Bild-მა შეთანხმების დეტალები გაასაჯაროვა. როგორც უკვე ცნობილი იყო, კაპიტანი გუნდში კიდევ სამი წლის განმავლობაში დარჩება.

გარდა ამისა, 34 წლის კიპერს ხელფასის მოთხოვნაც გარკვეულწილად დაუკმაყოფილდა. მისი ანაზღაურება 15 მილიონი ევროთი დაიწყება პირველ წელს და დანარჩენ პერიოდში ეტაპობრივად გაიზრდება, თუმცა, 20 მილიონ ევროს არ გადააჭარბებს.