ბაიერნმა ნუბელის თაობაზე გადაწყვეტილება მიიღო

მას შემდგომ, რაც მიუნხენის "ბაიერნის" კაპიტანმა, მანუელ ნოიერმა ახალ კონტრაქტს მოაწერა ხელი, გაჩნდა ეჭვები იმის შესახებ, რომ ალექსანდრ ნუბელს გარკვეული პერიოდის განმავლობაში იჯარით წასვლა მოუწევდა.

გერმანული გამოცემა Bild-ის ინფორმაციით, "რეკორდმაისტერმა" ამ თემაზე საბოლოო გადაწყვეტილება მიიღო, რომლის მიხედვითაც ახალგაზრდა კიპერი ყველაფერის მიუხედავად მაინც მიუნხენური გრანდის რიგებში დარჩება.

წყაროს ცნობით, ნოიერის ახალი კონტრაქტი ხელს არ შეუშლის ნუბელის განვითარებას. ის კაპიტნისგან მიიღებს გამოცდილებას და გარდა ამისა, გარკვეული დროც ექნება თავის გამოსაჩენად.

შეგახსენებთ, რომ ნუბელი "ბაიერნის" სეზონის დასრულების შემდეგ, თავისუფალი აგენტის სტატუსით შეუერთდება.