ნიუკასლი ბაიერნის ვარსკვლავის ტრანსფერზე მუშაობს

მას შემდგომ, რაც "ნიუკასლ იუნაიტედი" შეიხებმა შეიძინეს, ამ კლუბის სახელს არაერთი მსოფლიო დონის ვარსკვლავი დაუკავშირეს.

ამჯერად "კაჭკაჭების" რადარზე მიუნხენის "ბაიერნის" სუპერვარსკვლავი, ლუკას ერნანდესი გამოჩნდა. გერმანული გამოცემა Bild-ის ინფორმაციით, ბრიტანულმა კლუბმა უკვე დაიწყო მოლაპარაკებები 24 წლის მცველის თაობაზე.

მოგეხსენებათ, ფრანგი ფეხბურთელი "რეკორდმაისტერის" რიგებს გასულ წელს 80 მილიონი ევროს სანაცვლოდ შეუერთდა, თუმცა, მას შემდგომ ტრავმების კლუბში ფეხის მოკიდება ვერ მოახერხა.

წყაროს ცნობით, "ბაიერნი" ინგლისური კლუბის შემოთავაზებას განიხილავს იმ შემთხვევაში, თუ სატრანსფერო თანხა 80 მილიონ ევროზე ნაკლები არ იქნება.