Mundo Deportivo რეალი ბაიერნის ვარსკვლავით ინტერესდება

ლუკას ერნანდესის მიუნხენის "ბაიერნიდან" შესაძლო წასვლის საკითხი კვლავ აქტუალურია.

ესპანური გამოცემა Mundo Deportivo-ს ინფორმაციით, ახალგაზრდა მარცხენა მცველის შეძენით ამჯერად უკვე მადრიდის "რეალი" ინტერესდება.

წყაროს ცნობით, ფრანგი ფეხბურთელის ტრანსფერი პირადად ზინედინ ზიდანმა მოითხოვა. მოგეხსენებათ, "სამეფო კლუბს" სულ მალე მარსელო დატოვებს და როგორც ჩანს, ფრანგ სპეციალისტს მის შემცვლელად სწორედ თანამემამულე ესახება.

შეგახსენებთ, რომ ლუკას ერნანდესი "რეკორდმაისტერის" რიგებს გასული წლის ზაფხულში შეუერთდა და მას კლუბთან კონტრაქტი 2024 წლამდე აკავშირებს.