ტიაგოს კონტრაქტის გახანგრძლივებას მნიშვნელოვანი ფაქტორი აფერხებს

მოგეხსენებათ, მიუნხენის "ბაიერნი" უკვე დიდი ხანია ცდილობს ესპანელ ნახევარმცველ ტიაგო ალკანტარასთან ახალი კონტრაქტის გაფორმებას.

გერმანული გამოცემა Bild-ის ინფორმაციით, 27 წლის ფეხბურთელი ხუთშაბათს გუნდის საწვრთნელ ბაზაზე იმყოფებოდა და ბოსებთან პირადი კონტრაქტის პირობები სრულად შეათანხმა, თუმცა, მის გახანგრძლივებას მნიშვნელოვანი ფაქტორი აფერხებს.

კერძოდ, წყაროს ცნობით, ესპანელმა ფეხბურთელმა მოსაფიქრებლად მეტი დრო ითხოვა. მას არ სურს, რომ ოჯახის წევრებთან სრული შეთანხმების გარეშე მიიღო გადაწყვეტილება.

როგორც ცნობილია, ტიაგო და მისი მეუღლე შვილებთან ერთად ბარსელონაში დაბრუნებას გეგმავდნენ და ამის გათვალისწინებით უცნობია, დათანხმდება თუ არა ფეხბურთელი ახალ კონტრაქტს.