კანი ვფიქრობ ევროპული კლუბები დიდი ტრანსფერებისთვის მზად არ არიან

მიუნხენის "ბაიერნის" ლეგენდამ და აღმასრულებელი საბჭოს დირექტორმა, ოლივერ კანმა საინტერესო განცხადება გააკეთა.

"ალექსანდრ ნუბელის იჯარით გაშვებაზე არ ვფიქრობთ. ის მსოფლიოს ერთ-ერთი საუკეთესო ტალანტია და აქვს შესაძლებლობა, რომ მანუელ ნოიერისგან ისწავლოს. ამის შემდგომ ის ნამდვილად გახდება საუკეთესო."

"ჩემპიონთა ლიგის დარჩენილი მატჩების ჩატარებაზე, ჯერ-ჯერობით, გადაწყვეტილება არ არის მიღებული. არის შანსი იმისა, რომ ტურნირი ერთ ქალაქში ჩატარდეს. არაფერს გამოვრიცხავთ."

"რაც შეეხება ტრანსფერებს, ამ მომენტში კონკრეტული არაფერია. ვფიქრობ, ჯერ-ჯერობით ევროპული გრანდები დიდი ტრანსფერების განსახორციელებლად მზად არ არიან. სხვების მსგავსად ჩვენც გარკვეულ მომენტს ველოდებით." - აცხადებს კანი.