რატომ ვერ შედგა დეივისის ტრანსფერი ბარსელონაში

ალფონსო დეივისი დღეს-დღეისობით მიუნხენის "ბაიერნის" ძირითადი შემადგენლობის უცვლელი წევრია და იგი ნელ-ნელა გუნდის ლიდერადაც ყალიბდება. თუმცა, ისტორია, შესაძლოა, სრულიად სხვაგვარად განვითარებულიყო.

ესპანური გამოცემა Mundo Deportivo-ს ინფორმაციით, 2017 წელს კატალონიის "ბარსელონას" კანადელი ვინგერის შეძენის ძალიან კარგი შანსი ჰქონდა, თუმცა, არ გამოუვიდათ.

წყაროს ცნობით, "ბლაუგრანა" დეივისის კლუბის მოთხოვნას, 8 მილიონი ევროს გადახდას დათანხმდა. თუმცა, კლუბმა შეთანხმება თავად ფეხბურთელთან ვერ მიაღწია. "ბარსელონა" ფონზის თავდაპირველად სარეზერვო გუნდში ვარჯიშს სთავაზობდა და ამის შემდგომ ჰპირდებოდა ძირიტად შემადგენლობაში დაწინაურებას, რაზეც მან უარი განაცხადა.