ხავი მარტინესმა თავის მომავალზე კომენტარი გააკეთა

მიუნხენის "ბაიერნის" ცენტრალურმა მცველმა, ხავი მარტინესმა თავისი მომავლის შესახებ საინტერესო კომენტარი გააკეთა.

"ამ თემაზე "ბაიერნთან" უნდა გავისაუბრო. ჩემი კონტრაქტი 2021 წლის ზაფხულში იწურება და ყველაფრისთვის მზად ვარ. მიუნხენში მიღებული გამოცდილება ჩემს ცხოვრებაში საუკეთესოა."

"ჯერ-ჯერობით კონკრეტული არაფერია. ამ მომენტში ლოდინის გარდა სხვა არაფერი შეგვიძლია გავაკეთოთ, რადგან ცნობილმა გარემოებებმა მნიშვნელოვანი ფაქტორი ითამაშეს საფეხბურთო სამყაროზე."

"არც იმას გამოვრიცხავ, რომ მიუნხენი დავტოვო. არსებობს შანსი იმისა, რომ კარიერა ამერიკაში, ავსტრალიაში ან სულაც ესპანეთში განვაგრძო. ჩემში ფეხბურთი კვლავ ცოცხლობს და არ ვაპირებ კარიერის ნაადრევად დასრულებას." - აცხადებს მარტინესი.