ფლიკი ეს საკმაოდ სასიამოვნო ფაქტია

გერმანიის თასის ფინალში გასვლის შემდგომ მიუნხენის "ბაიერნის" მთავარმა მწვრთნელმა, ჰანს ფლიკმა პირველი კომენტარი გააკეთა.

"ნამდვილი სათასო დაპირისპირება გამოვიდა თავისი დაძაბულობით. პირველ ტაიმში არაერთი მომენტი გავაფუჭეთ, რის გამოც საბოლოოდ დავისაჯეთ კიდეც."

"სასიამოვნოა ის ფაქტი, რომ გაშვებული გოლის შემდგომ მალევე შევძელით კვლავ წინ გასვლა. მეორე ტაიმში დაღლა გვეტყობოდა, მაგრამ, გოლის გატანა მოვახერხეთ და შემდეგ თავი კარგად დავიცავით. ფინალში გასვლით ყველა ბედნიერი ვართ."

"რაც შეეხება გნაბრის დაზიანებას, წინ კიდევ ორი დღე გვაქვს და ვიმედოვნებ, რომ ამ დროში შეძლებს გამოჯანმრთელებას და "გლადბახთან" მატჩში მონაწილეობის მიღებას." - აცხადებს ფლიკი.