ფლიკმა ბაიერნის უნიკალური რეკორდი დაამყარა

მოგეხსენებათ, მიუნხენის "ბაიერნმა" ბუნდესლიგის 33-ე ტურში "ფრაიბურგს" უმასპინძლა და 3:1 დაამარცხა.

ამ გამარჯვების წყალობით "რეკორდმაისტერის" მთავარი მწვრთნელი, ჰანს ფლიკი კლუბის ისტორიაში შევიდა.

კერძოდ, 53 წლის სპეციალისტის ქვეშემდომობით გუნდმა ყველა ჩემპიონატზე ერთად ზედიზედ 15 შეხვედრაში შეძლო გამარჯვების მოპოვება. მსგავსი რამ კი "ბაიერნის" ისტორიაში არცერთ მწვრთნელს არ გაუკეთებია.

აღსანიშნავია, რომ ამ 15 მატჩში ჯამში "ბაიერნმა" 44 გოლი გაიტანა, რაც თითო შეხვედრაში საშუალოდ დაახლოებით 3 გოლის ტოლფასია.