სიტი ბაიერნის შემოთავაზებულ თანხას არ თანხმდება

მოგეხსენებათ, რამდენიმე დღის წინ მანჩესტერ "სიტის" მთავარმა მწვრთნელმა, პეპ გვარდიოლამ დაადასტურა, რომ სეზონის დასრულების შემდეგ ლეროი სანე კლუბს დატოვებს.

ბრიტანული გამოცემა The Telegraph-ის ინფორმაციით, მიუნხენის "ბაიერნსა" და მანჩესტერულ კლუბს შორის მოლაპარაკებები ამ დრომდე მიმდინარეობს, თუმცა წარუმატებლად.

წყაროს ცნობით, "რეკორდმაისტერს" ახალგაზრდა ვინგერის დამატება 30 მილიონი ფუნტის სანაცვლოდ უნდა, თუმცა, ამაზე "ქალაქელები" არ თანხმდებიან. მათ კონრეტული, ზემოხსენებულზე გაცილებით უფრო მაღალი მოთხოვნა აქვთ და ფასის დაკლებას არ აპირებენ.

დიდი ალბათობით, იმ შემთხვევაში, თუ შეთანხმება ვერ შედგა სანე კიდევ ერთ სეზონს გაატარებს მანჩესტერში და შემდგომ თავისუფალი აგენტის სტატუსით შეუერთდება "ბაიერნს".