ბაიერნის გეგმა ჩემპიონთა ლიგის განახლებისთვის ცნობილია

მოგეხსენებათ, შაბათს გერმანიის თასის ფინალი გაიმართა, რის შემდგომაც "ბაიერნმა" შიდა ჩემპიონატებში გამოსვლა საბოლოოდ დაასრულა. ჩემპიონთა ლიგის განახლებამდე კი კიდევ ერთი თვეა დარჩენილი.

დღეს ცნობილი გახდა, თუ როდის და როგორ აპირებს კლუბი ევროტურნირებისთვის მომზადებას.

21-22 ივლისს ფეხბურთელები ონლაინ ვარჯიშებს ჩაატარებენ საკუთარ სახლებში. 23-25 ივლისს გუნდი ჯგუფებად დაიყოფა და ასე ივარჯიშებს. 26 ივლისიდან კი სრული, გუნდური ვარჯიშები განახლდება.

7-8 აგვისტოს უკვე ჩემპიონთა ლიგის 1/8 ფინალური ეტაპი იწყება. ამ დრომდე კი "ბაიერნი" ამხანაგურ შეხვედრას გამართავს "აუდის თასზე".