ბაიერნი ჰავერტცის სანაცვლოდ 75 მილიონს იხდის

მიუნხენის "ბაიერნის" ხელმძღვანელობამ ლევერკუზენის "ბაიერს" კაი ჰავერტცის ტრანსფერის თაობაზე ოფიციალური წინადადებით მიმართა.

ცნობილი გერმანული გამოცემა "SportBild" იტყობინება, რომ "რეკორდმაისტერმა" "ფარმაცეპტებს" პირველი შეთავაზება გაუკეთა 75 მილიონი ევროს ოდენობით.

ჯერჯერობით უცნობია ლევერკუზენელების პასუხი, მაგრამ ზემოთხსენებული წყაროს ინფორმაციით, "ბაიერი" 19 წლის სუპერ-ტალანტის სანაცვლოდ მინიმუმ 100 მილიონს ითხოვს.

კაი ჰავერტცი მიმდინარე სეზონში შესანიშნავად გამოიყურება - ყველა ტურნირზე ერთად 34 თამაშში მიიღო მონაწილეობა, 13 გოლი გაიტანა და 3 საგოლე გადაცემა გააკეთა.