პსჟ ბაიერნის ვარსკვლავის ტრანსფერით ინტერესდება

ფრანგული "პსჟ" მიუნხენის "ბაიერნის" ვარსკვლავის, ბენჟამინ პავარის ტრანსფერზე მუშაობს.

ევროპული გამოცემების ინფორმაციით, პარიზული გრანდი თომას მუნიეს შემცვლელს ეძებს, რომელიც გუნდს მიმდინარე ზაფხულში ტოვებს და ერთ-ერთი ვარიანტი სწორედ 24 წლის ფეხბურთელია.

თავის მხრივ "ბაიერნი" პავარის გაყიდვით არ არის დაინტერესებული და შეთავაზებას მხოლოდ იმ შემთხვევაში განიხილავს, თუ თანხა 100 მილიონ ევროზე მაღალი იქნება.

შეგახსენებთ, რომ ფრანგი მცველი "რეკორდმაისტერის" რიგებს 2018 წელს შეუერთდა და მას გუნდთან კონტრაქტი 2024 წლამდე აკავშირებს.