ფილიპე კოუტინიოს გადასვლა თითქმის გადაწყვეტილია

მიკაელ არტეტა, რომელმაც წელს გადაიბარა "არსენალის" გუნდი, დაინტერესებულია ახალი 10იანის შეძენით და ამ პოზიციაზე მთავარ კანდიდატად ფილიპე კოუტინიო განიხილება.

28 წლის ბრაზილიელი 2019/2020 სეზონისთვის "ბარსელონადან" "ბაიერნში" 1 წლიანი იჯარის წესით გადავიდა, იმ იმედით რომ ის მის ძველ საფეხბურთო ფორმას დაიბრუნებდა. სამწუხაროდ მან ვერ გაამართლა იმედები, რის გამოც "რეკორდმაისტერმა" მისი შეძენა არ გადაწყვიტა და ის შემდეგი სეზონიდან ისევ ახალ გუნდს ეძებს.

"ბარსელონასთან" მოლაპარაკების შემდეგ გადაწყდა, რომ ბრაზილიელი მიუნხენს ჩემპიონთა ლიგის დასრულების შემდეგ დატოვებს. ეს იმას ნიშნავს, რომ მას თუნდაც დღეს საღამოს თამაშის შესაძლებლობა აქვს.

ფილიპეთი, ასევე დაინტერესებულები არიან "ჩელსი" და "ლესტერ სიტი", მაგრამ თუ ჩვენ გერმანულ წყაროს ,,Transfermarkt"ს დავუჯერებთ, "მეთოფეები" კოუტინიოს შეძენის ფავორიტები არიან და დღესდღეობით ყველაფერი იმაზე მიანიშნებს, რომ ბრაზილიელი შემდეგ წელს პრემიერ ლიგაში ითამაშებს.