ფლიკი მხოლოდ მესიზე არ უნდა ვიფიქროთ

მიუნხენის "ბაიერნის" მთავარმა მწვრთნელმა, ჰანსი ფლიკმა, ლონდონის "ჩელსისთან" ჩემპიონთა ლიგის საპასუხო 1/8 ფინალური შეხვედრა შეაფასა.

"ძალიან კმაყოფილი ვარ. ჩვენ გვინდოდა გამარჯვება, იქიდან გაგრძელება, სადაც გავჩერდით და ამ საღამოს სწორედ ეს გავაკეთეთ.

"ბარსელონასთან" თამაშისთვის ისე მოვემზადებით, როგორც ნებისმიერი სხვა მეტოქის შემთხვევაში. გვინდა, რომ საკუთარი ძალები კვლავ გამოვავლინოთ, 100%-თ ვიყოთ კონცენტრირებულები და ხარისხიანი თამაში დავდოთ.

მხოლოდ მესიზე არ გავაკეთებთ აქცენტს, თითოეული მოთამაშე უნდა გავითვალისწინოთ", - განაცხადა 55 წლის გერმანელმა სპეციალისტმა.

"რეკორდმაისტერმა" ინგლისელები სტუმრად 3:0 დამარცხების შემდეგ შინ 4:1 გაანადგურეს და მომდევნო ეტაპზე მარტივად გავიდნენ.

ჩემპიონთა ლიგის 1/4 ფინალში, 14 აგვისტოს, "ბაიერნი" კატალონიის "ბარსელონას" დაუპირისპირდება.