რა თანხა გამოიმუშავა ბაიერნმა ჩემპიონთა ლიგის მიმდინარე სეზონში

ჩემპიონთა ლიგის 2019/20 წლების სეზონი დასასრულს მიუახლოვდა და უკვე ვიცით, რომ "ბაიერნი" გადამწყვეტ შეხვედრაში "პსჟს" დაუპირისპირდება. საინტერესოა, რა თანხა გამოიმუშავა მიუნხენურმა გრანდმა ტურნირზე წარმატებულად გამოსვლის წყალობით.

გამოცემა Sky-ს ინფორმაციით, გუნდს ყველა ეტაპის დაძლევის გამო ჯამში 78.45 მილიონი ევრო გადაეცემა, გარდა ამისა, "ბაიერნი" ასევე 33.24 მილიონ ევროს მიიღებს ბონუსის სახით, მოგებული თამაშების გამო. (კლუბმა 10-დან 10-ივე შეხვედრა მოიგო).

როგორც ცნობილია, ზემოხსენებულ თანხაში არ არის გათვალისწინებული სატელევიზიო უფლებებიდან შემოსული ფული. ასევე, თუ "ბაიერნი" ტიტულის მოგებას მოახერხებს, კლუბი დამატებით კიდევ 4 მილიონ ევროს მიიღებს.

შესაბამისად, საერთო ჯამში "რეკორდმაისტერი" ჩემპიონთა ლიგის მიმდინარე სეზონში არანაკლებ 111 მილიონი ევრო მიიღებს, სატელევიზიო უფლებების გამოკლებით, რაც ისტორიაში სარეკორდოა.