კიმიხი ამ მომენტზე ყველა ბავშვი ოცნებობს

მიუნხენის "ბაიერნის" ლიდერმა, იოზუა კიმიხმა ჩემპიონთა ლიგის ფინალის წინ პრესკონფერენციაზე ისაუბრა.

"ამ თამაშისთვის ისე მოვემზადეთ, როგორც სხვა დანარჩენი ლიგის მატჩებისთვის. თუმცა, რა თქმა უნდა ატმოსფერო განსხვავებული, უფრო ამაღლებულია და ყველანი მოუთმენლად ველოდებით ფინალს."

"ჩემპიონთა ლიგის ფინალში აქამდე არასდროს მითამაშია და შესაბამისად, მოლოდინებიც გაცილებით უფრო დიდი მაქვს. მისი ჰიმნის მოსმენა რაღაც განსაკუთრებული, მაგიურია. ბავშვობაში ყოველთვის ოცნებობ ამ მომენტზე."

"ვფიქრობ, საკმაოდ თანაბარი თამაში იქნება. ორივე გუნდმა კარგად ვიცით მეტოქის ძალები და ვხვდებით, რომ დამსახურებულად გავედით ფინალში."

"რა პოზიციაზე ვითამაშებ ხვალ? სასტარტო შემადგენლობა ჯერ არ ვიცი, შესაბამისად ამ კითხვაზე პასუხი არ მაქვს."

"ვიცით, რომ ნეიმარი და მბაპე ძალიან სწრაფები არიან და უფრო ფრთხილად უნდა ვიყოთ, რადგან, ასეთ სწრაფ დუეტს ჯერ არ შევხვედრივართ. თუმცა, რა თქმა უნდა, დაცვაში არ ჩავჯდებით." - აცხადებს კიმიხი.