ბაიერნის სატრანსფერო გეგმები ცნობილია

ავტორიტეტულმა გერმანულმა გამოცემა Bild-მა მიუნხენის "ბაიერნის" ზაფხულის სატრანსფერო გეგმები ჩამოწერა.

უკვე გადაწყვეტილია, რომ ტიაგო ალკანტარა "რეკორდმაისტერის" რიგებს დატოვებს. დიდი ალბათობით, ესპანელი ნახევარმცველი "ლივერპულს" შეუერთდება.

დავიდ ალაბას შემთხვევაში ახალ კონტრაქტზე მოლაპარაკებები მიმდინარეობს და დადებითი ტენდენციებიც შეინიშნება. უფრო მეტად სავარაუდოა, რომ ავსტრიელი კიდევ მინიმუმ 3 წლით დარჩება "ბაიერნში".

რაც შეეხება ივან პერიშიჩსა და კორენტინ ტოლისოს. ფლიკს ხორვატი ფეხბურთელის შენარჩუნება უნდა, თუმცა, მხარეები სატრანსფერო თანხაზე ვერ თანხმდებიან. თუ "ინტერი" 15 მილიონიან წინადადებას დათანხმდება, მაშინ ტრანსფერიც შედგება. ტოლისო კი გადაწყვეტილია რომ "ბაიერნში" რჩება. სეზონის მანძილზე აქტიურად მიდიოდა მისი წასვლის შესახებ საუბრები, მაგრამ საბოლოოდ კლუბმა შენარჩუნება გადაწყვიტა.

დიდი ალბათობით, ლეროი სანეს შემდეგ "ბაიერნის" მხრიდან ხმაურიან ტრანსფერებს აღარ უნდა ველოდოთ. იგეგმება მხოლოდ ორ პოზიციაზე გაძლიერება. სავარაუდოდ, კლუბი ახალ მარჯვენა მცველსა და საყრდენ ნახევარმცველს დაიმატებს სათადარიგო სკამისთვის.