მიუნხენის ბაიერნი ახალ მარჯვენა მცველს პრემიერლიგიდან დაიმატებს

მას შემდგომ, რაც ალვარო ოდრიოსოლას მიუნხენის "ბაიერნთან" იჯარა ამოეწურა, კლუბმა ახალ მარჯვენა მცველზე დაიწყო ფიქრი.

გერმანული გამოცემების ინფორმაციით, "რეკორდმაისტერმა" ბენჟამინ პავარის შემცვლელს ინგლისის პრემიერლიგაში მიაგნო.

კერძოდ, გუნდის ერთ-ერთი მთავარი სამიზნე ჰექტორ ბელერინი იქნება. ესპანელი ფეხბურთელის შესაძლო ტრანსფერზე აქამდეც იწერებოდა და ახლა საუბრები კიდევ უფრო გახშირდა.

"ბაიერნი" სათადარიგო ვარიანტად პრემიერლიგიდან გავარდნილი "ნორვიჩის" მცველს, მაქს აარონს განიხილავს. წყაროს ცნობით, ფეხბურთელი თავადაც თანახმაა მიუნხენში გადაბარგებაზე.

დიდი ალბათობით, "რეკორდმაისტერი" სწორედ ზემოხსენებული ორი ფეხბურთელიდან ერთ-ერთს აარჩევს.