ლიოვი ეს ყველაფერი ძალიან გამაღიზიანებელია

გერმანიის ეროვნული ნაკრების მთავარმა მწვრთნელმა, იოახიმ ლიოვმა შვეიცარიასთან გამართული მატჩის შემდეგ პირველი კომენტარი გააკეთა.

"როგორც ესპანეთთან, ამ თამაშშიც გვქონდა მეორე გოლის გატანის არაერთი შანსი, რაც თავს უფრო დაცულად გვაგრძნობინებდა, თუმცა, მომენტები გავანიავეთ და შესაბამისად დავისაჯეთ. ვფიქრობ, სამართლიანი შედეგია."

"ჩვენი პრობლემაა, როდესაც მეტოქეს დაბრუნების შანსს ვაძლევთ. პირველ ტაიმში 2-3 კარგი მომენტი გვქონდა და მათი გამოყენების შემთხვევაში 3 ქულას ავიღებდით."

"ორივე მატჩში წინ გავედით, მაგრამ, ქულები მაინც დავკარგეთ, ეს ყველაფერი გამაღიზიანებელია. ოქტომბრის შეხვედრებში აუცილებლად შევუტევთ. სამწუხაროდ, ამჟამად ყველა ფეხბურთელი იდეალურ კონდინციაში არ იმყოფება." - აცხადებს ლიოვი.