კოვაჩმა ვერდერთან თამაშის შემდეგ კიმიხი გააკრიტიკა

მიუნხენის "ბაიერნის" მთავარმა მწვრთნელმა, ნიკო კოვაჩმა, ბრემენის "ვერდერთან" გერმანიის თასის 1/2 ფინალური შეხვედრის შემდეგ იოზუა კიმიხის შეცდომა შეაფასა.

"იოზუას ამის შესახებ უკვე ვესაუბრე. ის მარჯვენა მცველის პოზიციაზე თამაშობს, მან თამაში უნდა აასწრაფოს და ცენტრში ბურთს არ კარგავდეს.

მათ მეორე გოლი გაიტანეს და სტადიონი უბრალოდ აფეთქდა. ამ დაკარგვამ კინაღამ კატასტროფამდე მიგვიყვანა", - განმარტა 47 წლის ხორვატმა სპეციალისტმა.

"ბაიერნს" ბრემენში თამაში 2:0 მიყავდა და 74-ე წუთზე გაუშვა ბურთი. ცენტრში გათამაშებული ბურთი კი კიმიხმა დაკარგა, რასაც ბრემენელების სწრაფი შეტევა და მორიგი გოლი მოჰყვა.

თუმცა რამდენიმე წუთში ლევანდოვსკიმ პენალტი გაიტანა და "ბაიერნს" 3:2 მოაგებინა.