იტალიური გამოცემა Calciomercato-ს ინფორმაციით, "პსჟს" ნახევარმცველს, იულიან დრაქსლერს მიუნხენის "ბაიერნში" სურს კარიერის გაგრძელება.
გერმანელ ნახევარმცველს კლუბთან კონტრაქტი სეზონის დასრულების შემდეგ ეწურება და თავისუფალი აგენტი ხდება.
წყაროს ცნობით, დრაქსლერის აგენტი უკვე დაუკავშირდა "ბაიერნის" წარმომადგენლებს და მისი კლიენტი შესთავაზა.
ჯერ-ჯერობით უცნობია თავად "რეკორდმაისტერის" პოზიცია. დიდი ალბათობით, ზაფხულში მიუნხენელები უპამეკანოს ტრანსფერის შემდეგ დიდი თანხების გადახდას მოერიდებიან და არ არის გამორიცხული, დრაქსლერი უფასოდ დაიმატონ.