ცნობილია - რა თანხა დაუჯდება ჰოლანდის მსურველ კლუბს ნორვეგიელის ტრანსფერი?

დორტმუნდის ბორუსიას თავდამსხმელის, ერლინგ ჰოლანდის ტრანსფერით თითქმის ყველა ტოპ კლუბია დაინტერესებული, ცხადია მათ რიცხვში ბაიერნშიც შედის.

ცოტა ხნის წინ, ცნობილი გახდა, რომ კლუბს, რომელიც ნორვეგიელი შემტევის ყიდვას დააპირებს, 400 მილიონ ევროზე მეტის დახარჯვა მოუწევს (იგულისხმება 5-წლიანი კონტრაქტი) - ინფორმაციას ესპანური Marca ავრცელებს.

ამასთან, რამდენიმე კვირის წინ, ფეხბურთელის აგენტმა, მინო რაიოლამ თქვა, რომ ჰოლანდი შესაძლოა ამ 4 კლუბიდან ერთ-ერთში გადავიდეს: ბაიერნში, რეალ მადრიდში, ბარსელონაში ან მანჩესტერ სიტიში.

ცნობისთვის, ჰოლანდმა მიმდინარე სეზონში ყველა ტურნირზე 19 მატჩი ჩაატარა, სადაც თავი 22 გოლითა და 6 საგოლე გადაცემით გამოიჩინა.