"მაშინვე გავიფიქრე, ნუთუ ისევ ბაიერნი?", - სუარესმა პირველი კენჭისყრა შეაფასა

მადრიდის ატლეტიკოს ურუგუაელმა თავდამსხმელმა, ლუის სუარესმა ჩემპიონთა ლიგის მერვედფინალური ეტაპის კენჭისყრა შეაფასა.

ცნობისთვის, მადრიდული კლუბი ბაიერნს უნდა დაპირისპირებოდა, თუმცა ტექნიკური შეცდომის გამო, ხელახაი კენჭისყრა ჩატარდა და დიეგო სიმეონეს გუნდს საბოლოოდ მანჩესტერ იუნაიტედი ერგო.

'ერთ-ერთ ღონისძიებაზე ვიყავი და შედეგები მითხრეს. მაშინვე გავიფიქრე, ბაიერნი? ისევ? მოგვიანებით კი მითხრეს, რომ ხელახალი კენჭისყრა უნდა ჩატარებულიყო, რომელსაც ვუყურე.

მადრიდის რეალის და ბენფიკას წყვილის გარდა, ყველა შედეგი შეიძლებოდა განსხვავებული ყოფილიყო, რომ არა ბურთების პრობლემა.

თუ ჩემპიონთა ლიგის მოგება გსურს, საუკეთესო უნდა დაამარცხო - იუნაიტედი კი ერთ-ერთი საუკეთესო გუნდია. ამ მატჩისთვის საუკეთესო ფორმაში უნდა ვიყოთ, ატლეტიკო არ ნებდება!', - განაცხადა სუარესმა.