იანვარში ბაიერნი ბარსელონას ფეხბურთელის შეძენას შეეცდება

მიუნხენის ბაიერნი ბარსელონას მარჯვენა მცველით, სერჟინიო დესტის ტრანსფერით დაინტერესდა.

გერმანული გამოცემების მტკიცებით, 21 წლის ფეხბურთელი იანვარში მიუნხენური გუნდის მთავარი სატრანსფერო სამიზნე იქნება, ინფორმაციას გავლენიანი ჟურნალისტი ჟერარდ რომეროც ადასტურებს.

ბარსელონას ხელმძღვანელობა მიიჩნევს, რომ დესტმა გაცემული ავანსები სრულად ვერ გაამართლა და სარფიანი გარიგების შემთხვევაში, მზად არიან ახალგაზრდა ფეხბურთელის გაშვებას დათანხმდნენ.

დესტის ტრანსფერზე ბაიერნმა ჯერ კიდევ მაშინ დაიწყო მუშაობა, სანამ ფეხბურთელი კატალონიურ გუნდს შეუერთდებოდა, თუმცა ამერიკელმა საბოლოოდ გადაწყვეტილება ბარსელონაზე შეაჩერა.