"ისინი მოედანზეც და მის მიღმაც მისაბაძი მაგალითები არიან", - კანმა ბაიერნის 2 მოთამაშე გამოარჩია

მიუნხენის ბაიერნის გენერალური დირექტორი, ოლივერ კანი ლევანდოვსკის ფიფას წლის საუკეთესო ფეხბურთელის ჯილდოს მოგებას გამოეხმაურა:

'ლევანდოვსკი ფემონემალური მოთამაშეა. ერთი მწვერვალი დაიპყრო, ახლა კი უკვე შემდეგზე ფიქრობს. ზედიზედ მეორე წელია, რაც ფიფას საუკეთესო მამაკაცი ფეხბურთელი ხდება, თანაც რაც მთავარია, სრულიად დამსახურებულად.

ასევე, ჩვენი სურვილი იყო, რომ საუკეთესო მეკარის ჯილდო მანუელ ნოიერს მოეგო. ედუარდ მენდის ვულოცავთ, მანაც დაიმსახურა აღნიშნული პრიზი.

ბაიერნი ამაყობს ორი ისეთი გამორჩეული მოთამაშის ყოლით, როგორებიც ლევანდოვსკი და ნოიერი არიან.

პირველი - გაუთავებლად აგრძელებს გოლების გატანას, ხოლო მეორე კი მოედნის სხვა მხარებს ბურთებს აჩერებს. ორივე მისაბაძი მაგალითია მოედანზეც და მოედნის მიღმაც', - განაცხადა კანმა.