"მხოლოდ პოტენციალი არ ნიშნავს, რომ დიდი ფეხბურთელი გახდება", - ლევანდოვსკი ჰოლანდზე

მიუნხენის ბაიერნის ფორვარდმა, რობერტ ლევანდოვსკიმ Piłka Nożna-სთან ინტერვიუში დორტმუნდის ბორუსიას თავდამსხმელზე, ერლინგ ჰოლანდზე ისაუბრა:

'ის ჩემნაირი მოთამაშე არ არის. ჰოლანდი ფიზიკურად ძლიერი და ამავდროულად სწრაფია. სწორედ ამაზეა მისი თამაში დაფუძნებული. მე განსხვავებული თვისებებით გამოვირჩევი. საბოლოო ჯამში არ ვიცით თუ როგორ განვითარდება მისი კარიერა სამომავლოდ.

მხოლოდ იმიტომ, რომ ფეხბურთელს დიდი პოტენციალი აქვს, არ ნიშნავს, რომ ის აუცილებლად გახდება ვარსკვლავი მრავალი წლის განმავლობაში. არ მიყვარს 33 წლის მოთამაშეების 21 წლისასთან შედარება.

ყველას აქვ განვითარების საკუთარი გზა - ცხადია, ჰოლანდი შესანიშნავი ფეხბურტელია, სასიამოვნოა მისი თამაშის ყურება', - განაცხადა ლევანდოვსკიმ.