როგორც უკვე მოგახსენეთ, ნიკლას ზულემ ბაიერნიდან წასვლის გადაწყვეტილება მიიღო - გერმანელი მცველი მიუნხენურ კლუბს მომავალ ზაფხულს, თავისუფალი აგენტის სტატუსით დატოვებს.
ცხადია, რეკორდმაისტერის ბოსები ზულეს შემცვლელს აქტიურად ეძებენ - ისინი ერთ-ერთ მთავარ კანდიდატად იუვენტუსის ამჟამინდელ მცველს, მატიას დე ლიხტს განიხილავენ..
იტალიური გამოცემა Calciomeracto-ს ინფორმაციით, დე ლიხტის შეძენისთვის ბრძოლაში ბაიერნს კონკურენციას მანჩესტერ იუნაიტედი და ბარსელონა გაუწვენ.
თავის მხრივ, ჰოლანდიელი მცველის აგენტმა, მინო რაიოლამ დაადასტურა ეჭვები იმის თაობაზე, რომ მისი კლიენტი ზაფხულში იუვენტუსიდან წასვლას და სხვა ჩემპიონატში გადაბარგებას არ გამორიცხავს.