"კარგად ვიცნობ ლევანდოვსკის და ვიცი, რომ..", - კოვაჩი ჰოლანდის ბაიერნში შესაძლო ტრანსფერზე

ბაიერნის ყოფილმა მთავარმა მწვრთნელმა, ნიკო კოვაჩმა მიუნხენურ გუნდში ერლინგ ჰოლანდის შესაძლო ტრანსფერზე ისაუბრა:

'რთული სათქმელია, ფინანსურად ეს ტრანსფერი ძალიან ძვირია და ამას გარდა, ბაიერნს მსოფლიოში საუკეთესო თავდამსხმელი ჰყავს. როგორც მე ვიცნობ ლევანდოვსკის და მის ამბიციებს, ის აუცილებლად ითამაშებს კიდევ 3 ან 4 წელი მაღალ დონეზე და 30+ გოლსაც გაიტანს', - განაცხადა კოვაჩმა.

შეგახსენებთ, რომ ერლინგ ჰოლანდის ტრანსფერით თითქმის ყველა ევროპული კლუბია დაინტერესებული. 21 წლის ნორვეგიელის ანგარიშზე მიმდინარე სეზონში 20 ჩატარებულ შეხვედრაში, 23 გოლი და 6 საგოლე გადაცემაა.