"ყოველივე ამან უფრო გამაძლიერა", - ული ჰიონესი ციხეში გატარებულ პერიოდზე

მიუნხენის ბაიერნის ყოფილმა პრეზიდენტმა ული ჰიონესმა ციხეში გატარებული პერიოდი გაიხსენა - შეგახსენებთ, ჰიონესი სასჯელს გადასახადებისგან თავის არიდების გამო იხდიდა:

'ეს მომენტი ჩემი რეპუტაციის ლაქაა, რაზეც სრულიად მე ვარ პასუხისმგებელი. უდიდესი შეცდომა დავუშვი.

თუმცა, ისინიც კი პატივს მცემდნენ, ვინც მაკრიტიკებდა, იმისათვის, რომ ჩემი ადვოკატების რჩევის საწინააღმდეგოდ სარჩელი არ შევიტანე. ამას შესაძლოა წლები დასჭირვებოდა, მაგრამ განაჩენის გამოტანის ღამეს ოჯახთან ერთად გადავწყვიტე ციხეში ჩაჯდომა.

იქ გატარებულმა პერიოდმა ჩემზე დიდი გავლენა მოახდინა და ვფიქრობ, რომ ყოველივე ამან უფრო ძლიერი გამხადა', - განაცხადა ჰიონესმა.

ცნობისთვის, ბაიერნის ყოფილმა პრეზიდენტმა 2014 წელს წაყენებული ბრალდება (28,5 მილიონის ოდენობის გადასახადების თავიდან არიდება) აღიარა და მას თავისუფლება 3.5 წლით აღეკვეთა.

საბოლოოდ, ჰიონესმა სასჯელის ნახევარი მოიხადა და 2016 წლის თებერვალში გაანთავისუფლეს.