კოუტინიო მიუნხენში თავს სულ უფრო ბედნიერად ვგრძნობ

მიუნხენის "ბაიერნის" ახალწვეულმა, ფილიპე კოუტინიომ, გერმანულ გრანდში გატარებული საწყისი პერიოდი და ადაპტაციის ეტაპი შეაფასა.

"მიუნხენში პირველი თვე საკმაოდ კარგი გამოდგა. აქ ჩამოსვლის პირველივე დღეს ყველაფერი მანახეს. შევხვდი თანაგუნდელებს და რა თქმა უნდა, სამწვრთნელო შტაბს. ყოველი დღის შემდეგ უფრო ბედნიერი ვარ.

ვინ დამეხმარა ყველაზე მეტად ? პირველ დღეებში ტიაგო ძალიან მეხმარებოდა, განსაკუთრებით კომუნიკაციის მხრივ. გერმანული საშინლად რთული ენაა! თუმცა გადავწყვიტე, რომ ენა ცოტათი შევისწავლო. კლუბის ზოგიერთი თანამშრომელი პორტუგალიურადაც საუბრობს.

ქომაგებმა ძალიან თბილი დახვედრა მომიწყვეს და სასიამოვნო ასეთი დადებითი ენერგიის მიღება. პირველ დღეებში ბევრი ავტოგრაფი დავარიგე. გულშემატკივრებთან ასეთი მშვენიერი კონტაქტი მართლაც შესანიშნავია!", - განაცხადა 27 წლის ბრაზილიელმა.

ფილიპე კოუტინიო "რეკორდმაისტერმა" ზაფხულის ბოლოს კატალონიის "ბარსელონადან" ერთწლიანი იჯარის წესით გადაიბირა.