წარმოუდგენელი ციფრები: როგორია მიულერის სტატისტიკა ბარსელონას წინააღმდეგ?

მოგეხსენებათ, დღეს ჩემპიონთა ლიგის ჯგუფური ეტაპის მე-2 ტურის მატჩში, ბაიერნი შინ ბარსელონას უმასპინძლებს.

ლოგიკურია, რომ აღნიშნულ შეხვედრაში კატალონიელები ყველაზე მეტ საფრთხეს ტომას მიულერისგან გრძნობენ, რადგან გერმანელს მათ წინააღმდეგ ბრწყინვალე სტატისტიკა აქვს.

ჩემპიონთა ლიგაზე მიულერი "ბარსელონას" სულ 7-ჯერ დაუპირისპირდა, სადაც თავი 8 გოლითა და 2 საგოლე გადაცემით გამოიჩინა. გარდა პირადი სტატისტიკისა, მიულერს ესპანური გუნდის წინააღმდეგ მხოლოდ ერთი მარცხი აქვს განცდილი, 6 შეხვედრაში კი იმარჯვა.

ცნობისთვის, ამაზე ეფექტური სტატისტიკა გერმანელ შემტევს არცერთი გუნდის წინააღმდეგ არ აქვს.