კუნდე: "ყველაფერი გვაქვს იმისთვის, რომ ბაიერნს ჯგუფში ორივე მატჩი მოვუგოთ"

მოგეხსენებათ, დღეს ჩემპიონთა ლიგის ჯგუფური ეტაპის მე-2 ტურის მატჩში, ბაიერნი შინ ბარსელონას უმასპინძლებს.

აღნიშნულ მატჩამდე ჟურნალისტებთან კომენტარი ესპანელთა მცველმა, ჟულ კუნდემ გააკეთა და განაცხადა, რომ კატალონიელებს ორივე მატჩის მოგება შეუძლიათ:

"ვიცით, რომ ბაიერნი ყველა კომპონენტში ძალიან ძლიერი მეტოქეა, ეს ჩემპიონი გუნდია, მაგრამ, დარწმუნებული ვარ, რომ ჩვენ კარგად ვითამაშებთ - ყველაფერი გვაქვს საიმისოდ, რომ ბაიერნს ორივე მატჩი მოვუგოთ. რაც ყველაზე მთავარია, საკუთარი თავის გვჯერა.

წაგებას ვერ ვიტან, ეს ბავშვობიდან მომყვება. ჩვენმა გუნდმა რამდენიმე კარგი ტრანსფერი განახორციელა და ახლა ქომაგებიც და ჩვენც ამაღლებულ განწყობაზე ვიმყოფებით", - აღნიშნა ფრანგმა ფეხბურთელმა.

შეგახსენებთ, მატჩი თბილისის დროით 23:00 საათზე დაიწყება.