როგორია ლევანდოვსკის სტატისტიკა ბაიერნის წინააღმდეგ?

მოგეხსენებათ, დღეს ჩემპიონთა ლიგის ჯგუფური ეტაპის მე-2 ტურის მატჩში, ბაიერნი შინ ბარსელონას უმასპინძლებს.

აღნიშნულ შეხვედრაში მონაწილეობას ბაიერნის ყოფილი ფეხბურთელი, რობერტ ლევანდოვსკიც მიიღებს, რომელმაც გერმანულ კლუბში 8 დაუვიწყარი წელი გაატარა და უამრავი რეკორდიც მოხსნა.

ლევანდოვსკის ბაიერნის წინააღმდეგაც აქვს ნათამაშები, 34 წლის ფორვარდი რეკორდმაისტერს აქამდე 14 მატჩში დაუპირისპირდა და მათი კარის აღება 5-ჯერ მოახერხა.

დღეს, ლევანდოვსკი და ბაიერნი ერთმანეთის წინააღმდეგ მე-15 შეხვედრას გამართავენ. შეგახსენებთ, რომ მატჩი თბილისის დროით 23:00 საათზე დაიწყება.