"გვსიამოვნებს საუკეთესოებთან კონკურენცია", - ნოიერი ხვალინდელი მატჩის წინ

ხვალ, ბუნდესლიგის მე-9 ტურის შეხვედრაში, მიუნხენის ბაიერნი სტუმრად დორტმუნდს დაუპირისპირდება.

აღნიშნულ მატჩამდე ერთი დღით ადრე, მანუელ ნოიერი ჟურნალისტებს ესაუბრა და მეტოქე გუნდზეც გააკეთა კომენტარი:

"როდესაც საუკეთესო ფეხბურთელები ერთმანეთს უპირისპირდებიან, ეს განსაკუთრებულია. ჩვენთვის, ფეხბურთელებისთვის ძალიან სასიამოვნოა საუკეთესოებთან კონკურენცია. მოგვწონს დორტმუნდის თამაში, ისინი ჩვენთან ყოველთვის თანაბრად თამაშობენ.

ეს ბუნდესლიგის ყველაზე გამორჩეული შეხვედრაა, რომლის ხილვაც ყველას სურს. საერთაშორისო შესვენების შემდეგ, გუნდში კარგი ატმოსფერო გვაქვს. ახლახნს ორი თამაში მოვიგეთ და მოგებათა სერიაც დავიწყეთ - გვსურს, ეს დორტმუნდთანაც გაგრძელდეს და 3 ქულა მოვიპოვოთ", - განაცხადა ნოიერმა.