სენეგალის ნაკრებმა, 2022 წლის მსოფლიო ჩემპიონატის განაცხადი გამოაქვეყნა და ბევრისთვის მოულოდნელად, სიაში ბაიერნის ტრავმირებული შემტევი, სადიო მანეც მოხვდა.
აღნიშნულ გადაწყვეტილებაზე, სენეგალის ნაკრების მთავარმა მწვრთნელმა, ალიუ სისემ ისაუბრა:
"ჩვენ სადიო მანეს სიტუაციას აქტიურად ვაკვირდებოდით. ეროვნული ნაკრებიდან მიუნხენში ექიმი გავაგზავნეთ, მან ადგილზე მთელი დღე გაატარა, შემდეგ კი ანალიზების ჩასაბარებლად ავსტრიაში გაფრინდა. კარგი ამბავი ის არის, რომ ოპერაცია გაკეთებული არ არის.
სადიოს ტრავმა ერთიდან 10 კვირამდე მოახდენს მასზე გავლენას. შემდეგ, ჩვენ საკონტროლო გამოკვლევებს კვლავ ჩავატარებთ. მისი გუნდში ხილვა სასიამოვნო იქნება - იგივე სიტუაცია გვქონდა ისმაილ სართანაც, რომელთანაც ყველაფერს თავი კარგად გავართვით აფრიკის თასზე.
მანე განსაკუთრებული მოთამაშეა, ვიმედოვნებთ, რომ ერთ-ორ კვირაში მისი მდგომარეობა გაუმჯობესდება. ოპტიმისტურად ვართ განწყობილი და ყველაფერს გავაკეთებთ, რომ ის დაბრუნდეს", - განაცხადა ალიუ სისემ.