საფრანგეთის ეროვნული ნაკრების და მიუნხენის ბაიერნის მცველი, ბენჟამინ პავარი ახალ გუნდში გადასვლას არ გამორიცხავს. ეს ყოველივე ფრანგმა მცველმა რამოდენიმე დღის წინ მიცემულ ერთ-ერთ ინტერვიუში დაადასტურა.
როგორც მედიასთან მიცემულ ინტერვიუში პავარმა აღნიშნა, ის თანამემამულე, ოლივერ ჟირუსთან თამაშის წინააღმდეგი არ არის - ცნობისთვის, 36 წლის ჟირუ ამჟამად მილანის ღირსებას იცავს.
"ჟირუ ჩემთან საუბარში ყოველთვის აღნიშნავს, რომ იტალია ფეხბურთით ცხოვრობს. მან დერბის ჯადოქრობაზე მომიყვა და იმაზე, თუ როგორ ზეიმობენ გულშემატკივრები სკუდეტოს მოგებას. სიამოვნებით ვითამაშებდი მასთან ერთად, რადგან ის ჩემი დიდი მეგობარია. ვნახოთ, სამომავლოდ რა მოხდება", - განაცხადა პავარმა.
გირჩევთ: "მხოლოდ ამ შემთხვევაში განვიხილავ ახალ გუნდში გადასვლას", - პავარის მთავარი მოთხოვნა მომავალ კლუბს