ყველაფერი გადაწყვეტილია - ვინ არის პირველი ფეხბურთელი, ვინც ბაიერნს სეზონის ბოლოს დატოვებს

საფრანგეთის ეროვნული ნაკრების და მიუნხენის ბაიერნის მცველი, ბენჟამინ პავარი ახალ გუნდში გადასვლას არ გამორიცხავს. ეს ყოველივე ფრანგმა მცველმა რამოდენიმე დღის წინ მიცემულ ერთ-ერთ ინტერვიუში დაადასტურა.

ბაიერნის ხელმძღვანელობას არ ესმის, თუ რატომ ასაჯაროვებს პავარი საკუთარ მომავალთან დაკავშირებულ სიახლეებს წინასწარ და როგორც გერმანული გამოცემები წერენ, კონტრაქტის არ გახანგრძლივების თაობაზე ორივე მხარე შეთანხმებულია.

პავარს და ბაიერნს შორის არსებულ ხელშეკრულებას ვადა 2024 წლის 30 ივნისს გასდის, თუმცა მხარეები შეთანხმდნენ, რომ უმჯობესია ფეხბურთელმა ბაიერნი 1 წლით ადრე დატოვოს, რადგან კლუბმა მის ტრანსფერში გარკვეული თანხა მიიღოს.

ცნობისთვის, ფრანგი მცველის ტრანსფერით მანჩესტერ იუნაიტედი და ლონდონის ჩელსი არიან დაინტერესებული.

გირჩევთ: ცნობილია, რომელ კლუბში და ჩემპიონატში სურს პავარს კარიერის გაგრძელება