მოგეხსენებათ, გერმანიის ჩემპიონატის მე-14 ტურის შეხვედრაში, მიუნხენის ბაიერნმა საშინაო არენაზე ვერდერის ბრემენს უმასპინძლა და მეტოქე 6:1 გაანადგურა.
აღნიშნული შეხვედრის პირველ ნახევარში, სადიო მანემ ტრავმა მიიღო და ნაგელსმანს მისი შეცვლა მოუწია - სენეგალელის მდგომარეობაზე, მატჩის დასრულების შემდეგ იულიან ნაგელსმანმა და მისმა ასისტენტმა ისაუბრეს და აღნიშნეს, რომ წინასწარი დათვალიერებით, სერიოზული არაფერი არ უნდა ყოფილიყო, თუმცა როგორც მოგვიანებით გაირკვა, საქმე სერიოზულად იყო და მანეს მსოფლიო ჩემპიონატის გამოტოვებაც კი მოუწია.
ფრანგული გამოცემა lequipe-ის ვარაუდით, სადიო მანე ვარჯიშს თებერვლის პირველი რიცხვებიდან განაახლებს და არსებობს შანსი, რომ 14 თებერვალს, პსჟ-სთან გასამართი მატჩისთვის მზად იყოს.