ბლინდი ბაიერნის ფეხბურთელია - კონტრაქტის დეტალები

ბაიერნმა იანვრის სატრანსფერო ფანჯარაზე პირველი ტრანსფერი განახორციელა - რეკორდმაისტერი ნიდერლანდელი დეილი ბლინდით გაძლიერდა.

32 წლის მცველმა უკვე გაიარა სამედიცინო შემოწმება და მისი ტრანსფერის გაოფიციალურებამდე საათებია დარჩენილი. ფეხბურთელი ხვალ გუნდთან ერთად დოჰაში გაემგზავრება.

როგორც იწერება, ბაიერნი ბლინდ შობის შემდეგ დაუკავშირდა და ბლინდმაც დიდი ინტერესი გამოიჩინა. ბლინდის ანაზღაურება ამ დრომდე არ გასაჯაროებულა, თუმცა საუბარია ძალიან დაბალ ხელფასზე+მაღალი ბონუსებით.

მხარეების კონტრაქტში არ იქნება ოფცია, რომელიც კიდევ ერთი წლით კონტრაქტის გახანგრძლივებას აამოქმედებს - საუბარია მხოლოდ 6-თვიან ხელშეკრულებაზე ივნისის თვემდე.

თუ ბაიერნს ფეხბურთელის შენარჩუნება კვლავ მოუნდება, ახალი მოლაპარაკებები დაიწყება.