მატჩამდე 2 კვირით ადრე - პსჟს 2 გამოკვეთილი ლიდერი დაეტრავმა

ამ წუთებში, საფრანგეთის ჩემპიონატის 21-ე ტურში, მონპელიე შინ პსჟ-ს მასპინძლობს და გუნდები პირველი ტაიმის შემდეგ ფრედ, 0:0 თამაშობენ.

ბაიერნის წინააღმდეგ, ჩემპიონთა ლიგაზე გასამართ მატჩამდე 2 კვირით ადრე პარიზულ გუნდში ცუდი სიტუაციაა - დღევანდელ მატჩში პსჟს ორი ლიდერი, კილიან მბაპე და სერხიო რამოსი დაეტრავმა, მათი შეცვლა პირველივე ტაიმში გახდა საჭირო და უცნობია რამდენ ხანს იუქმებენ.

ცნობისთვის, მბაპემ ამ შეხვედრაში მანამ, სანამ ტრავმას მიიღებდა, ზედიზედ 2 თერთმეტმეტრიანი გააფუჭა.

პსჟს და ბაიერნს შორის ჩემპიონთა ლიგის 1/8 ფინალური შეხვედრა 14 თებერვალს, თბილისის დროით 23:55 საათზე გაიმართება.