"სიტის დასამარცხებლად, ბაიერნმა ხელახლა უნდა შემიძინოს", - არიენ რობენის სახალისო კომენტარი მატჩამდე

მოგეხსენებათ, 11 აპრილს ჩემპიონთა ლიგის 1/4 ფინალური მატჩის პირველ ტურში ეტიჰად სთედიუმზე ერთმანეთს მანჩესტერ სიტი და მიუნხენის ბაიერნი დაუპირისპირდებიან.

მოახლოებულ მატჩზე კომენტარი რეკორდმაისტერის ლეგენდარულმა მოთამაშემ, არიენ რობენმაც გააკეთა:

"ეს ნამდვილად ტოპ თამაში იქნება, შეიძლებოდა ფინალიც ყოფილიყო - ძალიან საინტერესო შეხვედრა გველოდება და მის ყურებას მოუთმენლად ველოდები."

ჟურნალისტი: "მანჩესტერ სიტის წინააღმდეგ კარგი სტატისტიკა გაქვს, 7 შეხვედრიდან 6-ში დაამარცხე, რას იტყოდი ამაზე?"

რობენი: "ნამდვილად ასეა... ბაიერნმა ხელახლა უნდა შემიძინოს, ტუხელს შეუძლია ნებისმიერ დროს დამირეკოს. ისე კი ხუმრობას რომ თავი დავანებოთ, ამის გაკეთება ახლა შეუძლებელია."