"სხვა კლუბის ძებნას მხოლოდ ამ შემთხვევაში დავიწყებ", - გრავენბერხმა ბაიერნის დატოვება არ გამორიცხა

მოგეხსენებათ, რაიან გრავენბერხი მიუნხენის ბაიერნში საკუთარი სათამაშო დროით უკმაყოფილოა.

20 წლის შუახაზელს ნაგელსმანი არ წყალობდა და ტუხელის დანიშვნის შემდეგ, გერმანული მედია ირწმუნებოდა, რომ გრავენბერხს თავის გამოსაჩენად მეტი სათამაშო დრო მიეცემოდა, თუმცა სულ ტყუილად.

საკუთარ მომავალზე ჟურნალისტებთან თავად გრავენბერხმა ისაუბრა და თუ სათამაშო დროს არ მიიღებს, სხვა გუნდში გადასვლა არ გამორიცხა.

"მირჩევნია წარმატებას ბაიერნში მივაღწიო, მაგრამ თუ ეს არ გამოვიდა და თავის გამოჩენის საშუალება არ მომეცა, არ გამოვრიცხავ სხვაგან გადასვლას. თუმცა ამ მომენტში სხვა გუნდში თამაშით დაინტერესებული არ ვარ და სრულად ბაიერნზე ვარ კონცენტრირებული. იმედი მაქვს, მიუნხენში ჩემი მდგომარეობის გამოსწორებას შევძლებ", - განაცხადა გრავენბერხმა.