ჩემპიონთა ლიგის მეოთხედ-ფინალური დაპირისპირების პირველ მატჩში ბაიერნი სტუმრად მანჩესტერ სიტის დაუპირისპირდა და 3:0 დამარცხდა.
შეხვედრის დასრულების შემდეგ, აღნიშნულ მარცხზე ბაიერნის ცენტრალურმა მცველმა, მატიას დე ლიხტმა ისაუბრა:
"რა თქმა უნდა მსგავსი ანგარიშით მარცხის გამო საპასუხო მატჩისთვის ცუდი შედეგი დავაფიქსირეთ, მაგრამ ფეხბურთში ყველაფერი შეიძლება მოხდეს.
ყველაზე მნიშვნელოვანი ის არის, რომ ერთად უნდა ვიყოთ და სიტისთან შეხვედრა სწორად გავაანალიზოთ. წინ უნდა გავიხედოთ, რადგან ჯერ კიდევ ბევრი გვაქვს გასაკეთებელი და მნიშვნელოვანი თამაშები გველოდება", - განაცხადა დე ლიხტმა.