როგორც გერმანული გამოცემა Bild-ის ჟურნალისტი, კრისტიან ფალკი ირწმუნება, მანჩესტერ სიტისთან მატჩის შემდეგ, ბაიერნმა სერიოზულად განიხილა თანამდებობიდან ოლივერ კანის (გენერალური დირექტორის) გათავისუფლების შესაძლებლობა.
გავრცელებულ ინფორმაციაზე კომენტარი ბაიერნის ახალმა მთავარმა მწვრთნელმა, ტომას ტუხელმა გააკეთა.
"აბსოლუტურად არაფერი წამიკითხავს. დილით მოვედი აქ და კარგი ენერგია დამხვდა. ვცდილობ გავლენა იმაზე მოვახდინო, რაზეც შემიძლია. არ მინდა კომენტარის გაკეთება ჭორებზე - ფაქტია, რომ კანმა და სალიჰამიჯიჩმა კლუბი ჩამოაყალიბეს როგორც მოთამაშეებმა, მათთან კარგი კომუნიკაცია მაქვს", - განაცხადა ტუხელმა.