მოგეხსენებათ, მიუნხენის ბაიერნის გერმანელი მეკარე მანუელ ნოიერი რეაბილიტაციის პროცესს გადის, რათა გუნდის დახმარება მომავალი სეზონიდანვე შეძლოს.
რეაბილიტაციის პროცეზე, ბაიერნის ტელევიზიასთან 37 წლის მეკარემ ისაუბრა და აღნიშნა, რომ ყველაფერი კარგად მიდის.
"კარგად ვარ და მიხარია, რომ ბაიერნის საწვრთნელ ბაზაზე მოსვლას და ვარჯიშს ყოველდღიურად ვახერხებ. რეაბილიტაციის პროცესი ძალიან კარგად მიდის, ყველანი კმაყოფილები ვართ.
ბოლო ტესტებიც დამაკმაყოფილებელი იყო. სასიამოვნო და სახალისოა ყოველდღე ახალი ნაბიჯების გადადგმა, ჩვენ ყველანი ოპტიმისტურად ვართ", - განაცხადა ნოიერმა.